Liebi Tagebuchläser
Am 27. Mai sind mir beidä drüjöhrig wordä🎉. Üsi Agschtellte händ üs fescht verwöhnt und diä beidä Chatzechalets uf äm Chuchibalkon installiert, wo sie mitenand für üs baut händ. Mir ligäd au sehr gärn im Chatzegras im Hochbeet ufäm Wohnzimmerbalkon.
Am 28. September isch äs es Johr gsi, dass mir i üsem nöie Deheimä bi de Agschtelltä Christoph und Beatrice izoge sind 🤗! Dä Afang, säge si, sig ä chli stotzig gsi, aber mir sind jo so brav gsi und sie händ a üs glaubt und händ üs uf kän Fall wieder wölle zrugg gä, will sie händ gwüsst, was mir für tolli Kater sind. Und jetzt isch alles verbi und mir sind ä glücklichi Chatzefamiliä wordä.
Ich, der Chitto, spile jetzt soooo gärn und verlange nach äm Morgennässe sogar däno unds Schmüsälä dörf au nümmä fählä. Min Brüeder Mato spielt sowieso wie wild und schmüsälä tuet är au viel und gärn 😻. Üsi Agschtellte händ zum Glück fasch nüt anders z’tüä, drum händ sie gnuäg Zit für üs.
Und falls ihr euch jetzt frogäd, warum ich ufs Mol schaffhuserisch schribä, froget d’Beatrice 😉. Mit dem Mato rede ich aber immer no normal 😂.
Ganz liäbi Grüäss
Chitto🐈🐾🐾, Mato 🐈🐾🐾, Beatrice 👩🏻und Christoph 👱🏻♂️
German